Швед полициясы қарсылық акциясын өткізіп, Құранды өртейміз дегендерге рұқсат бермеді
Швецияда аты-жөнін атамай, өзін мәдени бірлестіктегі жеке тұлғамын деп таныстырған адам құзырлы органдардан Құранды өртеп, қарсылық акциясын өткізуге рұқсат сұраған. Стокгольм полициясы бұл ұсыныстан бас тартты деп хабарлайды Stan.kz ақпарат агенттігі SVT басылымына сілтеме жасап.
Полиция өкілі Ола Эстерлинг телеарнаға берген сұхбатында шеру өткізу қала көшелеріндегі қауіпсіздік пен қоғамдық тәртіпке кепілдік бере алмайтынын айтты. Сол себепті құқық қорғау органдары Швецияның қоғамдық қауіпсіздік қызметімен (SEPO) бірлесіп, бас тарту туралы шешім қабылдады.
Қаңтардың 21-і күні даниялық әсіре оңшыл "Hard Deal" партиясының жетекшісі Расмус Палудан Түркия елшілігінің алдында Құран кітабын өртеп жіберген. Осыдан кейін Түркия Швеция Қорғаныс министрінің сапарын тоқтатқан еді.
Швеция үкіметі мен елдің Сыртқы істер министрлігі осы жағдайдан соң Палуданның әрекетін айыптады.
Қазақстанға 12 жылдық мектеп керек пе: Назарбаев зияткерлік мектептеріндегі оқу мерзімі қысқарса, не өзгереді
Мектептегі қосымша бір жылға қатысты қоғам пікірі екіге бөлінді
Елтаңба тауып алғаны, өз ақшасына алаң салғаны үшін: Қазақстанда талқыға түскен айыппұлдар
Қайсысы әділ, қайсысы шектен шыққан шешім болды