Шымкенттегі жарылыс: Перинаталдық орталықтан 100-ден аса әйел сәбилерімен бірге эвакуацияланды (видео)
Жарылыстан кейін Шымкент қаласындағы №1 перинаталдық орталықтан 100-ден аса босанған әйел эвакуацияланды. Шымкент қаласы төтенше жағдайлар департаменті басшысы Мадияр Жақсыбаевтың сөзінше, әйелдер сәбилерімен бірге №2 облыстық перинаталдық орталыққа ауыстырылған. Алайда бұл мекеменің сыйымдылығы бар болғаны 160 орын, деп хабарлайды Stan.kz ақпарат агенттігі Отырар басылымына сілтеме жасап.
Әзірге перинаталдық орталықтың қаншалықты қирағаны белгісіз.
"Жарылыс дәріхана ғимаратында болған. Бұл – жекеменшік ғимарат, перинаталдық орталыққа қатысы жоқ, бірақ жанында орналасқан. Жалпы ауданы 360 шаршы метр, 130 шаршы метрі қираған. Өрт толық сөндірілді. Жарылыс салдарынан артында орналасқан тұрғын үй кешеніндегі бес қабатты үй зақымдалды. Қуанышқа орай жарылыс кезінде 5-қабатта үй иелері болмаған", – деді Мадияр Жақсыбаев.
Босанған әйелдермен бірге көпқабатты үйдегі 15 тұрғын эвакуацияланды. Мұнда жарылыс толқынынан самалдық пен терезелері сынған.
Оқиғадан кейін Төтенше жағдайлар департаментінің қызметкерлері шұғыл түрде қирандыларды жинастыруды бастаған.
Талқылау
ТЭЦ-тің газға ауысуы Алматыдағы лас ауа проблемасын шеше ала ма: Сарапшылар мегаполистегі қалың тұмша неден түзілетінін талдап берді
Қыстағы лас ауа деңгейі айына 70 темекі түтінін жұтқанмен тең
Бір айда самокат айдаған 6,5 мың адамға айыппұл салынған: Қазақстандық кикшеринг иелері тәртіп бұзғандарды қалай жазалайды?
Самокатты жоғалтса, 195 000 мен 840 000 теңге аралығында айыппұл салынады