Шымкент қаласының әкімі әжелерге стретчинг және йогамен айналысуға кеңес берді (видео)

Шымкент қаласының әкімі Ғабит Сыздықбеков қаланың тұрғын үйлерін газға қосу барысында әжелермен сөйлесіп, оларға буындары ауырмас үшін не істеу керегін айтты. Бұл туралы Stan.kz ақпарат агенттігі хабарлайды. 

Фото: Видеодан скрин

Бір апта бұрын Ғабит Сыздықбеков қаланың бірнеше тұрғын үй алқабында газ қосылғанын мәлімдеді. Ол газ қосу барысында жергілікті тұрғындармен кездесіп, сөйлесті. Әкім әңгіме барысында оларға йога және стретчингпен айналысуға кеңес берді.

"Серуендеңіз, йогамен айналысыңыз. Буындарыңызды созыңыз, бұл стретчинг деп аталады. Бұл сіздің денсаулығыңызға пайдалы болады", – деді әкім. 

• "УЕФА санкция салар еді": Шымкент әкімі жыл соңында "Ордабасы" клубына 1 миллиард теңгенің не үшін бөлінгенін түсіндірді 

• "6 балам, 75 жастағы кәрі анам бар": Шымкент әкімінің бұрынғы орынбасары сотта жылап жіберді

Әжелер әкімнің кеңесіне күліп, өздеріне ойын алаңын жасап беруін өтінді.

Әкімнің бұл ұсынысы оларды онша қызықтырмаған сияқты.

Айта кетейік, бұған дейін желіде Шымкент әкімі Ғабит Сыздықбековтің тұрғындармен кездесу барысында полиция қызметкеріне дөрекі түрде ескерту жасаған видеосы тараған еді.