Шығыс Қазақстанда қар көшкінінен екі альпинист қаза тапты
Шығыс Қазақстан облысы Көккөл көлінің маңындағы Белуха тауында туристік жолды нығайту жұмыстары кезінде қар көшкіні болып, екі альпинист қаза тапты, тағы бір адам зардап шекті, деп хабарлайды Stan.kz ақпарат агенттігі.
Қайғылы оқиға 23 маусым күні сағат 10 шамасында болған. Оқиға салдарынан 1992 және 1988 жылы туған екі ер адам қаза тауып, 1990 жылы туған Ресей Федерациясының азаматы зардап шекті. Тағы бір 32 жастағы альпинист аман қалды.
Оқиға болған аумаққа МИ-8 "Қазавиапас" тікұшағымен ШҚО Төтенше жағдайлар департаменті Жедел-құтқару жасағының құтқарушылары жіберілді.
Құтқарушылар тікұшақ бортында екі қаза болған екі азаматтың денесін, аман қалған альпинист және жарақат алған ер адамды алып шықты, жарақан алған азаматқа дәрігерлер алғашқы медициналық көмек көрсетті. 3000 метр биіктікте құтқару операциясын жүргізу үшін тікұшақпен бірнеше рет ұшу қажет болған.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"