Шығыс Қазақстан облысының 18 жастағы тұрғыны терроризмді насихаттады деген күдікпен ұсталды
27 желтоқсанда Ұлттық қауіпсіздік комитеті терроризмді насихаттады деген күдікпен Шығыс Қазақстан облысының 18 жастағы тұрғынын ұстады. Бұл туралы Stan.kz ақпарат агенттігі хабарлайды.
ҰҚК баспасөз қызметі ұсынған ақпаратқа сүйенсек, тергеу әрекеттері барысында тұрғылықты жері бойынша діни әдебиеттер тәркіленген.
“Қылмыстық кодекстің 256-бабы 2-бөлігі бойынша сотқа дейінгі тергеп-тексеру жүргізілуде. Бұрын ұсталған адамға қылмыстық қудалауға әкеп соғуы мүмкін заңсыз әрекеттерге жол бермеуі туралы бірнеше рет ескертілген. Оған ресми сақтандыру жарияланған. Алдын алу шараларына қарамастан, ол қылмыстық әрекетін жалғастырды”, – деп қосты ҰҚК.
- Алматы әуежайында бұрын зорлау, кісі өлтіру фактісі бойынша сотты болған аса қауіпті қылмыскер ұсталды
- ҰҚК Шекара қызметінің экс-басшысы Дархан Ділманов 4 жылға сотталды
Ұлттық қауіпсіздік комитеті әлеуметтік желілерде таратылатын радикалды идеологияның, әсіресе жастарға деструктивті әсер ету қаупін еске салады.
“Экстремистік мазмұндағы Интернет-ресурстарына кіруден бас тартуды, ал ата-аналарға балалардың радикалды сайттарға деген қызығушылығына жауапкершілікпен ден қоюды ұсынады”, – деп қосты ҰҚК.