Шетел азаматынан 20 тоннадан астам контрабандалық темекі тәркіленді
Қаржылық мониторинг агенттігінің Маңғыстау облысы бойынша департамент қызметкерлері шетелдік азаматқа қатысты тергеу жұмыстарын аяқтады. Шетел азаматы Қазақстанға 22 тонна контрабандалық темекі кіргізген, деп хабарлайды Stan.kz ақпарат агенттігі.
Қаржылық мониторинг агенттігінің баспасөз қызметі контрабандалық темекінің Қазақстан аумағына "жалған транзит" жүйесі арқылы кіргізілгенін мәлімдеді.
"Алдын ала құрылған қылмыстық жоспар бойынша қылмыскер темекі тиелген жүк көлігін жүргізген. Ол Қазақстан аумағындағы "Құрық" порты арқылы Әзірбайжаннан келген тауарды Ауғанстанға жіберетіні туралы айтқан. Алайда азамат Алматы облысы аумағында тауарды заңсыз түсірген жерінен тұтқындалды", – деп түсіндірді Қаржылық мониторинг агенттігі.
Сотқа дейінгі тергеу аяқталған соң барлық материалдар сотқа жіберіледі. Тұтқынға алынған шетел азаматы экономикалық контрабандамен шұғылданғаны дәлелденген.
Талқылау
"Баланың тірі не өлі екені белгісіз": АҚШ азаматы бұрынғы қазақстандық әйелін баласын "ұрлады" деп айыптап, сотқа берді
Әйел бұған дейін тағы бір АҚШ азаматымен отбасын құрғаны және оған да физикалық күш қолданғаны жөнінде дерек бар
ТЭЦ-тің газға ауысуы Алматыдағы лас ауа проблемасын шеше ала ма: Сарапшылар мегаполистегі қалың тұмша неден түзілетінін талдап берді
Қыстағы лас ауа деңгейі айына 70 темекі түтінін жұтқанмен тең