Серікбол Сайлаубек: Төрт әйел аламын, сол да сөз боп па?
Серікбол Сайлаубек тоқал алу мәселесіне қатысты пікірін білдірді. Әншінің айтуынша, екінші әйел алу – адамның тағдырына байланысты дүние. Бірнеше әйел аламын деп қанша тырыссаң да, пешенеңе жазылмаса бәрі бекер дейді ол.
Бұл туралы Hit-TV арнасына сілтеме жасап Stan.kz хабарлайды.
«Әркімнің маңдайына жазылғаны болады. Кейбіреулер аламын дейді да, аяқ жағына келгенде ала алмай қалады. Кейбіреуі алмаймын дейді да, бес жылдан кейін қарасаң, екінші әйел алып жатады. Сондықтан да адам баласына 100%-ға сеніп айтуға болмайды», – дейді Серікбол.
«Ал жағдайыңыз келсе өзіңіз тоқал алар ме едіңі?» деген сұраққа әнші:
«Пенде болғаннан кейін, адам болғаннан кейін өмірдің қандай сынақ дайындап жатқанын көреміз. Төртеу алу керек болса, төртеу аламыз. Не бопты? Біз сияқты жігіттерге сөз боп па сол?» – деп жауап берді.
Бұлай дегенімен, әнші жұбайына қатал емес екенін айтып қалды.
«Жұбайыма қатал емеспін. Балаларыма, ұл-қызыма мейірім көрсетуім керек, әйеліме өмірлік жолдас ретінде мейірімділік көрсетуім керек. Солай емес пе? Жанұяма келетін болсақ, жұмсақпын», – дейді ол.
Жіберіп алмаңыз:
5500 теңгеден бастап: Құралай Нұрқаділова арзан киімдер сата бастады
Санжар Мәдиевтің досымен түскен суреті елдің ойын сан-саққа жүгіртті
«Ninety one» тобы туралы фильмде ел білмейтін құпиялар ашылмақ
Анасынан аумайтын қызым: Сәкен Майғазиев отбасылық қуанышымен бөлісті