Семейде қоқыстан табылған сәбидің денесін күйік шалған

Семейде қоқыс жәшігінен денесінің 80%-ы күйіп қалған жаңа туған сәби табылды. Бұл туралы Stan.kz ақпарат агенттігі "Оса Семей" порталына сілтеме жасап хабарлайды.

Фото: musavat.biz

Оқиға 13 қазанда болған.

"Бұл факті бойынша сотқа дейінгі тергеу басталып, іс Абай облысының прокуратурасының арнайы бақылауына алынды", – деп хабарлады облыстық прокуратура.

Хабарламада сәби 12:00 шамасында табылып, ауыр жағдайда жансақтау бөліміне жеткізілгені айтылған. Алдын ала мәліметтер бойынша табылған сәби – шамамен бір күндік қыз бала.

• Қазақстанда әйел гаражда бала босанып, сәбиін қорапқа тастап кеткен

• Ақтөбеде жаңа туған сәбилерді асырап алуға көмектесемін деп алдаған алаяқ сотталды

Еске салайық, бұған дейін Қарағандыда сәбиін аязда далаға тастап кеткен ата-ана жауапқа тартылмағанын жаздық. Көшеге тасталған нәресте тексерістен соң анасына қайтарылды. Сәбиді үйіне қайтып келе жатқан тұрғын тауып алған. Келесі күні полицейлер бұл әрекетті жасаған баланың ата-анасын тапты. Олар 22 жастағы бойжеткен мен 29 жастағы қарағандылық болып шықты. Кейін белгілі болғандай, ер адам үйленген екен, ал 22 жастағы қызбен қарым-қатынаста болған, салдарынан қыз жүкті болып, бала босанған. Баланың әкесі өз отбасынан кеткісі келмей, сәбиді тастап кетуді шешкен.