Сауда министрі біртұтас уақыт белдеуін алып тастау мәселесін қашан қарайтынын мәлімдеді
Сауда және интеграция министрі Арман Шаққалиев қандай жағдайда уақыт белдеуін ауыстыруға болатынын мәлімдеді. Бұл туралы Stan.kz ақпарат агенттігі хабарлайды.
Фото: Pixabay.com
Оның айтуынша, министрлік мәселені қарап жатыр.
"Сәйкес алгоритм бар. Екі айдың ішінде бұл мәселе мүдделі тұлғалардың қатысуымен қаралып жатыр. Сондықтан осы петиция қажет дауыс санын жинағанша күтейік. Уақыты келгенде біржақты қараймыз", – деді Шаққалиев үкімет отырысында.
Ол министрлікке азаматтардан бірыңғай сағат белдеуін өзгерту туралы өтініштер түспегенін, бірақ "қай аймақтарда және қандай мәселелер көтеріліп жатқанын" білетінін атап өтті.
"Ешкім ешқайда оралмайды. Біз бәріміз бір белдеудеміз. Өтінішті күтіп отырмыз, содан кейін заңда белгіленген тәртіппен қарап, жауап береміз", – деп баса айтты ол.
21 мамырдағы жағдай бойынша ePetition мемлекеттік порталындағы бұрынғы уақыт белдеуіне оралу туралы петицияға 23 мыңға жуық дауыс пен 1600-ге жуық пікір жазылған.
Еске салсақ, бұған дейін Шығыс Қазақстан тұрғындары бұрынғы уақытты қайтаруды сұрап, петиция жариялаған еді.