Салған ақшаларын бірнеше есе етіп қайтаратынын айтқан: Шымкентте алаяқ жеті адамды ғаламтор арқылы алдап кеткен
Шымкентте бірнеше адамды сан соқтырған алаяқ ұсталды. Ол тұрғындарға салған ақшасын бірнеше есе көбейтіп беруге уәде берген, деп хабарлайды Stan.kz ақпарат агенттігі Polisia.kz басылымына сілтеме жасап.
Шымкентте аудандық полиция басқармасына 7 адам шағым түсірген. Олардың арыздары Қылмыстық кодекстің 190-бабы "Алаяқтық" бойынша тіркелген.
Зардап шеккендер әлеуметтік желіде жарнама көрген соң, барлығы мессенджердегі чатқа тіркелген. Чатты ашқан азамат тұрғындарға салған ақшасын бірнеше есе етіп қайтаруға уәде берген. Ол адамдарды букмекерлік кеңседе жеңілмей ақша табудың жолын білемін деп сендірген. Сөзін дәлелдеу үшін ұтыстарының суретін, чектерді жіберген. Осылайша 2,5 миллион теңгені қолды еткен.
Күдіктінің жеке тұлғасын анықтау үшін полицейлер жедел шара қабылдаған. Жауап алынып, ақша аударымдарын тексерген. Нәтижесінде жергілікті тұрғын ұсталды. Қазір қамауда отыр.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық