Сағынтаев АӘК туралы: Жәрдемақы алып келгендердің ішінде кәсіпкерлер де бар
Алматы қаласының әкімі Бақытжан Сағынтаев көпбалалы отбасыларға атаулы әлеуметтік көмек төлеу барысындағы бұзушылықтар туралы айтты. Қала басшысының сөзінше, жәрдемақы алғандардың ішінде кәсіпкерлер де бар, деп хабарлайды Stan.kz ақпарат агенттігі «ҚазАқпаратқа» сілтеме жасап.
Бостандық ауданының тұрғындарымен кездесу барысында Сағынтаев бүгінде 1 350 көпбалалы отбасы мен анаға атаулы әлеуметтік көмек берудің тоқтатылғанын атап өтті.
«Өз табысын жасырған көптеген отбасыны анықтадық. Жеке кәсіпкерлікпен айналысып, табысын жасырған отбасылар да көп. Қалада уақытша тіркеліп, алайда балаларын ата-әжесіне қалдырған отбасылар да бар. Олар басқа облыстардағы мектептерге барады», - дейді Бақытжан Сағынтаев.
Қала әкімінің мәліметінше, осылайша, ай сайын 83 млн теңге бұрыс әрі заңсыз төленіп келгені анықталған.
Талқылау
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр