Рудный тұрғыны төрт жасар баланы анасымен бірге өртеп жіберді
Рудный тұрғыны көршісімен жанжалдан кейін әйел мен оның 4 жастағы баласына керосин шашып, жағып жіберген. Қазір Қостанай облысының полиция департаменті сотқа дейінгі тергеу жүргізіп жатыр, деп хабарлайды Stan.kz ақпарат агенттігі.
Жантүршігерлік оқиға туралы аймақтық полиция департаментінің басшысы Ерлан Омарбеков өз Facebook парақшасында мәлімдеді.
"16 наурызда Рудный қаласының кезекші бөліміне 44 жастағы ер адамның көршісінің есігін қаққаны туралы ақпарат түсті. Есікті ашқан әйел мен оның баласына керосин шашып, жағып жіберген", – делінген полицейдің хабарламасында.
Әйелдің білек тұсы күйген. Баланың жарақаты ауыр. Қазір ол ауруханада.
"Жапа шеккен бала ауыр жарақаттармен жансақтау бөліміне жатқызылды. Денесінің 40%-ын күйік шалған. Қазір оның өмірі үшін дәрігерлер арпалысып жатыр. Анықталғандай, оқиғаға көршілер арасындағы жанжал себеп болған", - деп түсіндікті Ерлан Омарбеков.
Күдікті қолға түскен, қазір тергеу жұмыстары жүріп жатыр.
Талқылау
"Киіктерді өз өмірінің құнымен қорғаған батыр": Қорықшы Ерлан Нұрғалиевтің қаруланған броконьерлерді қуамын деп қалай қаза тапты
Қайғылы оқиға 6 жыл бұрын “Охотзоопром” кәсіпорнында болған еді
"Кейбірі сәбиінен, кейбірі анасынан айырылып жатады": Қазақстандықтар перзентхана алдында дүбірлі той жасайтындарды сынады
Акушер: "Көп адамның жиналуы жаңа туған сәби мен анаға түрлі инфекция, вирус таратады"