Ризабек Айтмұхан Азия чемпионатының финалына өтті
Еркін күрестен Қазақстан құрамасының өкілі Ризабек Айтмұхан Амманда өтіп жатқан Азия чемпионатының финалына шықты. Бұл туралы Stan.kz ақпарат агенттігі хабарлайды.
Спортшы 97 келіге дейінгі салмақта алтын медальға таласады. Жартылай финалда Ризабек ирандық Мохаммадмобин Азимиді жеңді. Жекпе-жек 2-0 есебімен аяқталды.
57 келі салмақта сынға түскен тағы бір қазақстандық спортшы Рахат Қалжан жартылай финалда ирандық Джахангир Вализадеден жеңіліп қалды. Енді оны қола үшін күрес күтіп тұр.
Чемпионаттың финалдық блогы Астана уақыты бойынша 20:00-де басталады.
Еске салсақ, бұған дейін Ризабек Айтмұхан Таразда өткен халықаралық турнирдің қола жүлдегері болған еді.
Жүргізушілер Алматы әуежайында жолаушыларды түсіргені үшін салынған айыппұлдарға шағымданды: Полиция не дейді?
Полиция: "Әуежай аумағының жекелеген учаскелерінде 3.28 "Тоқтауға тыйым салынады" жол белгілері орнатылған"
Хлор мен уксусты араластырып ыдыс жуған қазақстандық әйел ауруханадан бір-ақ шықты
Дәрігер: “Қышқылдар мен күшті сілтілер өңеш пен асқазанның ауыр химиялық күйігін туғызады”