Ризабек Айтмұхан Таразда өткен халықаралық турнирдің қола жүлдегері атанды
Ризабек Айтмұхан Таразда өткен еркін күрестен халықаралық турнирдің жартылай финалында жеңіліс тапты. Бұл туралы Stan.kz ақпарат агенттігі хабарлайды.
Фото: ҰОК
Тараз қаласында еркін күрестен ересектер арасында мемлекет және қоғам қайраткері Дінмұхаммед Қонаевты еске алуға арналған халықаралық турнир өтті. Жарысқа Қазақстан, АҚШ, Қырғызстан, Австралия, Бразилия, Өзбекстан, Ресей, Моңғолия және Қытай елдерінің спортшылары қатысып, өзара мықтыны анықтады. Сайыстың басты таңғаларлық оқиғасы құрамамыздың көшбасшыларының бірі Ризабек Айтмұхан жартылай финалда жеңіліп қалды. Ол жартылай финалда америкалық Джонатан Айеллоға 9:12 есебімен есе жіберді. Дегенмен қола жүлде үшін белдесуде қарсыласын айқын басымдықпен ұтты.
Айта кетейік, бұл салмақта Ризабекті жеңген Джонатан Айелло финалда қытайлық қандасымыз Абусайман Хабиланы жеңіп, алтыннан алқа тақты.
Жүргізушілер Алматы әуежайында жолаушыларды түсіргені үшін салынған айыппұлдарға шағымданды: Полиция не дейді?
Полиция: "Әуежай аумағының жекелеген учаскелерінде 3.28 "Тоқтауға тыйым салынады" жол белгілері орнатылған"
Хлор мен уксусты араластырып ыдыс жуған қазақстандық әйел ауруханадан бір-ақ шықты
Дәрігер: “Қышқылдар мен күшті сілтілер өңеш пен асқазанның ауыр химиялық күйігін туғызады”