Ресейде жынысы белгісіз нәрестелер дүниеге келді
Ресейдің Түмен облысында 2023 жылы жынысы белгісіз алты бала дүниеге келген. Облыстық денсаулық сақтау басқармасы сирек кездесетін мутацияға ұшыраған нәрестелерден ер мен әйел жынысын ажырата алмағандарын айтады. Бұл туралы Stan.kz ақпарат агенттігі 72.ru порталына сілтеме жасап хабарлайды.
Түмен денсаулық сақтау басқармасы адамның сыртқы және ішкі жыныс мүшелерінің әйел немесе еркек жынысына сәйкес келмейтін мутациясы пайда болғаны туралы айтты. Мамандар мұндай балалардың жынысын хирургиялық жолмен түзетуге болатынын жеткізді. Алайда алдымен жынысты нақтылау үшін генетикалық зерттеу жүргізу қажет екен.
Облыста бұрын да жыныстық дамуында ауытқуы бар балалар дүниеге келген. Мәселен, басылымның мәліметінше, 2022 жылы осындай диагноз үш сәбиге, ал 2021 жылы екі нәрестеге қойылған.
Еске салсақ, бұған дейін екі жатыры бар әйелдің егіз баланы дүниеге әкелгенін хабарлаған едік.
Талқылау
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес
"Салқын суға салсаң, бояуы шығады": Отандық шоу-бизнес жұлдыздарының шайы халықтың көңілінен шықпай қалды
Экономист: "Шай плантациясы жоқ елде толыққанды өндіріс болмайды"