Ресей ЛГБТ қозғалысын экстремистік ұйым деп жариялау туралы шешім қабылдады

Ресей әділет министрлігі "халықаралық ЛГБТ қоғамдық қозғалысын" экстремистік ұйым деп тану туралы сотқа шағым түсірді. Бұл туралы Stan.kz ақпарат агенттігі BBC арнасына сілтеме жасап хабарлайды. 

Фото: rus.delfi.ee

Біржынысты қарым-қатынасқа ресми түрде рұқсат етіледі, бірақ ЛГБТ қауымдастығына жататын демонстрациялар жазаланады.

"Ресей әділет министрлігінің өкілеттіктерін жүзеге асыру шеңберінде Ресей Федерациясының жоғарғы сотына халықаралық 
ЛГБТ қоғамдық қозғалысын экстремистік деп тану және оның қызметіне Ресей Федерациясының аумағында тыйым салу туралы әкімшілік талап берілді", – делінген ведомство хабарламасында.

Ресейдің жоғарғы соты талап арызды 30 қарашада қарайды.

"Ресей Федерациясының аумағында әрекет ететін ЛГБТ қозғалысының қызметінде "Экстремистік әрекетке қарсы күрес туралы" 2002 жылғы 25 шілдедегі №114-ФЗ Федералдық заңының 1-бабына сәйкес экстремистік бағыттың әртүрлі белгілері мен көріністері әлеуметтік және діни араздықты қоздыру анықталды", – делінген ведомство хабарламасында. 

Ресей билігі ондаған жылдар бойы ЛГБТ қауымдастығына қарсы күресті күшейтіп, гейлердің насихатарын жүргізуге қарсылық ретінде заң қабылдап, оны қатайтып келеді.