Қазақстандықтар Park Live фестиваліне қалай дайындалып жатыр — Yandex Qazaqstan зерттеуі

Алматыда 21–23 тамыз аралығында биылғы жаздың басты музыкалық фестивальдерінің бірі — Park Live өтеді. Yandex Qazaqstan сарапшылары қазақстандық пайдаланушылардың осы шараға дайындық кезінде Яндекс Нейромен іздеу жүйесінде қандай сұраныстар жасағанын зерттеді. Фестивальдің хедлайнерлеріне ғана емес, адамдар оның барлық дерлік қатысушыларын, орындаушылардың ең үздік тректері мен ән мәтіндерін де іздейді.

Музыканттар туралы іздеу сұрауларында The Kills пен Gorillaz, CeeLo Green мен De La Soul, The Offspring пен Jack White есімдері жиі кездесті. Сұраулардың мысалдары: "the offspring алматы", "ceeLo green" және "the kills группа". Мұндай сұраныстар бойынша Яндекс Іздеу Нейромен әртіс туралы қысқаша әрі мазмұнды ақпарат ұсынады: оның шығармашылығы, негізгі альбомдары мен мансабындағы маңызды кезеңдері туралы айтып береді. Мысалы, CeeLo Green — америкалық әнші, рэпер әрі продюсер. Ол "The Voice" шоуына қатысуымен де танымал. Ал Jack White — рок-музыкант және өз буынының ең танымал гитаристерінің бірі. 

Фестиваль қарсаңында пайдаланушылар музыканттардың үздік әндері мен нақты композицияларын да іздеген. Мысалы, "Jack White лучшие песни" және "самая известная песня CeeLo Green" деген сұраныстар жасалған. Сондай-ақ Gorillaz тобының "Feel Good" және "Clint" композицияларына қызығушылық байқалған. Яндекс Нейро белгілі бір ән немесе альбомның ерекшелігін түсінуге де көмектеседі. Мысалы, Нейро Gorillaz-дың "Désolé" композициясын жылы әрі жеңіл, сәл мұңды вокал мен малайзиялық әнші Фатумата Диавараның әсерлі бэк-вокалы үйлескен жағымды атмосфералы шығарма ретінде сипаттайды. Ал "Feel Good" әнін топтың ең танымал туындыларының бірі деп атап, онда тұтынушылық мәдениет пен өмірдің үстірт қуаныштары сын тұрғысынан қарастырылатынын түсіндіреді. 

Музыка тыңдап қана қоймай, бірге ән айтқысы келетіндер ән мәтіндерін де іздеген. Мысалы, "Come Along Vicci Martinez CeeLo Green текст песни" деген сұраныс тіркелген.

Yandex Qazaqstan — машиналық оқыту мен нейрондық желілер негізінде өнімдер мен сервистер әзірлейтін технологиялық компания. Компания пайдаланушылардың өмірін жақсартуға және Қазақстанның цифрлық ортасын дамытуға бағытталған инновациялық технологияларды әзірлеп, енгізеді. Қазақстанда компанияның іздеу, қалалық, бұлтты және ойын-сауық сервистері жұмыс істейді. Сонымен қатар Yandex Qazaqstan білім беру және әлеуметтік жобаларды да дамытып келеді.