Қазақстанда тексеруден кейін облыс әкімінің орынбасары мен тағы 9 шенеунік жазаланды
Көлік прокуратурасының тексеруінен кейін облыс әкімінің орынбасары мен тағы 9 шенеунік жазаланды. Бұл туралы Stan.kz ақпарат агенттігі хабарлайды.
Көлік прокуратурасы автобус бағыттарына қызмет көрсету бойынша конкурстар өткізу кезінде заңбұзушылықтарды анықтаған.
Ведомство хабарланғандай, көлік прокуратурасы автомобильмен жолаушылар тасымалдаудың тұрақты облысаралық, қалааралық және ауданішілік бағыттарына қызмет көрсету құқығына арналған конкурстардың заңдылығына талдау жүргізді.
"Тексеру нәтижесінде бірқатар өңірде конкурстық рәсімдерді ұйымдастыру кезінде қатысушыларға заңсыз кедергілер жасалғаны, ал жекелеген тасымалдаушыларға негізсіз артықшылықтар берілгені анықталды. Бұл заңнама талаптары мен адал бәсекелестік қағидаттарын бұзған", – деп хабарлады Бас көлік прокуратурасы.
Тексеру қорытындысы бойынша 10 лауазымды тұлға, оның ішінде облыс әкімінің орынбасары мен жергілікті атқарушы органдардың басшылары тәртіптік жауапкершілікке тартылды.
Шенеуніктердің бір бөлігіне қызметіне толық сәйкес еместігі туралы ескерту берілсе, қалғандарына сөгіс жарияланды.
Прокуратура нақты қай өңір мен қандай лауазымды тұлғалар туралы сөз болып отырғанын нақтыламады.
Еске салсақ, бұған дейін Қазақстанда шенеуніктер туыстары мен қосымша табысы туралы мәлімет беруге міндеттелетіні туралы жазған едік.
