Қазақстан жолдарында әскери техника жүреді: Қорғаныс министрлігі үндеу жасады
Қазақстанда “Батыл тойтарыс – 2026” стратегиялық командалық-штабтық оқу-жаттығуына дайындық басталды. Осыған байланысты тамыз-қыркүйек айларында ел аумағында қару-жарақ, әскери техника және жеке құрам оқу-жаттығу өтетін аймақтарға кезең-кезеңімен жеткізіледі. Сол себепті Қорғаныс министрлігі халықты үрейленбеуге шақырды. Бұл туралы Stan.kz ақпарат агенттігі хабарлайды.
Қорғаныс министрлігінің мәліметінше, әскерлер теміржол эшелондары, жалпыға ортақ автожолдармен жүретін әскери көлік колонналары, сондай-ақ майдандық және армиялық авиация арқылы тасымалданады.
Оқу-жаттығу еліміздің барлық өңіріндегі полигонды қамтиды. Оның негізгі мақсаты – Қарулы күштердің қазіргі жағдайдағы жауынгерлік міндеттерді орындауға қаншалықты дайын екенін бағалау.
ОқыңызЖаттығу барысында әскерлерді қолдану, құрлықта, әуеде, теңізде және киберкеңістікте өзара үйлесімді әрекет ету мәселелері пысықталады.
Сондай-ақ әскери басқару органдарының, Қарулы күштер түрлері мен тектерінің және арнайы әскерлердің бірлескен іс-қимылын жетілдіруге басымдық беріледі.
Осыған байланысты азаматтар мен бұқаралық ақпарат құралдарының өкілдерінен сабыр сақтап, тек ресми ақпарат көздеріне сүйену сұралды.
Сондай-ақ ведомство тексерілмеген немесе жалған ақпарат тарату Қазақстан заңнамасына сәйкес жауапкершілікке әкеп соғатынын ескертті.
Алматылық зейнеткердің ForteBank депозитіндегі ақшасы екі рет ұрланған: Ол ақшасын 4 жылдан бері қайтара алмай жүр
