AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
Соңғы жаңалықтар
Соңғы жаңалықтар

Петропавлда демалыс базасында кәмелетке толмаған қызды зорлаған бес жігітке үкім шықты

Петропавлда демалыс базасының аумағында кәмелетке толмаған қызды зорлаған бес жігіт ұзақ мерзімге бас бостандығынан айырылды, деп хабарлайды Stan.kz ақпарат агенттігі. 

Былтыр Петропавлда демалыс базасында 17 жастағы қызды бес жігіт, оның ішінде екі кәмелетке толмаған жасөспірім зорлады. Кей мәлімет бойынша, олар отырысқа қатысқан бір адамның танысы болған және соны іздеп келген.

Жәбірленушінің анасы полицияға келесі күні арыз жазды. Сонымен қатар әйел кейінірек зорлық жасағандардың туысы қысым көрсеткенін, қызынан жасына антропологиялық мәліметтің сәйкестігі бойынша сараптама талап етілетінін айтты.

"Болған жайтты қинала өткеріп жатырмыз, ал олар жасына байланысты сарапамадан өтуге мәжбүрлейді. Мен мұны абсурд және масқара деп санаймын. Зорлаушылардың туыстары үнемі біздің үйімізге келіп, бізді сатып алмақшы болады", – дейді қыздың анасы.

Заңгерлердің айтуынша, бұл шара зорлаушыларға сотта кәмелетке толмаған қызды зорлағанын білмегендерін айтуға құқық беруі мүмкін, бұл олардың қамауға алу мерзімін қысқартуға көмектеседі.

Кәмелетке толмағанға қатысты зорлау және нәпсіқұмарлық сипаттағы өзге де іс-әрекеттер фактісі бойынша (ҚР ҚК 121-бабы 3-1-бөлігі 1-тармағы және 120-бап 3-1-бөлігі 1-тармағы) бес сотталушыға қатысты іс жабық режимде қаралды. Істі Солтүстік Қазақстан облысының қылмыстық істер жөніндегі мамандандырылған ауданаралық сотының төрағасы Сергей Викторенко қарады.



Сот 2021 жылдың 11 маусымында Петропавл қаласының демалыс аймағы аумағында бес жігіт – 2004 жылы туған М., 2002 жылы туған Р., 2004 жылы туған И., 2001 жылы туған С. және 2003 жылы туған Б. келісілген және кезекпен әрекет етіп, кәмелетке толмаған Д.-ға қатысты зорлау және сексуалдық сипаттағы зорлық-зомбылық әрекеттерін жасағанын анықтады.

Сотталушылардың кінәсі жәбірленушінің, куәгерлердің айғағы, сараптама қорытындылары және басқа да дәлелдемелер арқылы анықталады. Прокурор Р., С. және Б.-ға 16 жыл бас бостандығынан айыру түріндегі, кәмелетке толмаған М. және И.-ға 10 жыл бас бостандығынан айыру түріндегі жаза тағайындауға өтініш білдірді.

Кәмелетке толмаған қыздың заңды өкілі прокурордың ұстанымын қолдады.

Сотталушылар өз кінәсін мойындамады және өздерін ақтауды сұрады. Бұл әрекет үшін 15 жылдан 17 жылға дейін бас бостандығынан айыру жазасы қарастырылған. Іс бойынша М., И., Б. және С.-ың қылмысты мас күйінде жасағаны ауырлататын жағдай деп танылды. Жеңілдететін жағдай ретінде тек И. және М.-ға олардың кәмелетке толмағанына қатысты әсер етті.

Нәтижесінде сот Р., Б. және С. педагогикалық лауазымдарды және кәмелетке толмағандармен жұмыс істеуге байланысты лауазымдарды өмір бойы атқару құқығынан айырып, қауіпсіздігі ең жоғары қылмыстық-атқару жүйесі мекемесінде 16 жыл бас бостандығынан айыру түріндегі жазаны тағайындады.

Кәмелетке толмағандарды 10 жылдан аспайтын мерзімге бас бостандығынан айыруға болмайады. Ал белгілі бір қызметпен айналысу құқығынан айыру 1 жылдан 2 жылға дейінгі мерзімге тағайындалады. Осы шектеуді ескеріп, сот М. және И. 10 жылға бас бостандығынан айыруды, ал педагогикалық лауазымдарды және кәмелетке толмағандармен жұмыс істеуге байланысты лауазымдарды атқару құқығынан 2 жыл мерзімге айырды.

М. жазасын қауіпсіздігі барынша жоғары қылмыстық-атқару жүйесі мекемесінде, ал И. кәмелетке толмағандарды ұстауға арналған қауіпсіздігі орташа мекемеде өтейді. Сонымен қатар сот жәбірленуші Д.-ның сотталушылардан 10 миллион теңге көлемінде моральдық зиянды өтеу туралы азаматтық талап арызын толық қанағаттандырды.

Талқылау
Пікір
Қазір оқып жатыр
Қазір оқып жатыр