Педофилдерді өмір бойына бас бостандығынан айыру, әйелдерді ұрып-соққаны үшін қылмыстық жауапкершілік: Мәжіліс заң жобасын қолға алды
“Әйелдердің құқықтары мен балалардың қауіпсіздігін қамтамасыз ету мәселелері туралы” заң жобасы мен оған ілеспе түзетулер мәжіліс қарауына жіберілді. Бұл туралы Stan.kz ақпарат агенттігі хабарлайды.
Фото: Мәжіліс
Сонымен қатар "Әйелдердің құқықтары мен балалардың қауіпсіздігін қамтамасыз ету мәселелі бойынша әкімшілік құқықбұзушылық туралы кодекске өзгерістер мен толықтырулар енгізу" ілеспе заң жобасы жұмысқа алынды.
Әлеуметтік-мәдени даму комитетінің төрағасы Асхат Аймағамбетовтің сөзінше, жоба мемлекет басшысының отбасылық зорлық-зомбылыққа жауапкершілікті қатаңдату жөніндегі тапсырмасын орындау мақсатында депутаттардың бастамасымен әзірленді.
"Бұл заң жобалары мәжіліс депутаттарының бастамасымен әзірленді. Жоба мемлекет басшысының зорлық-зомбылық үшін жазаны қатаңдату тапсырмасына және сайлауалды бағдарламасына толық сәйкес келеді", – деп атап өтті ол.
Ол заң жобасында:
- ұрып-соғуды және денсаулыққа жеңіл зиян келтіруді қазіргі әкімшілік жауапкершіліктен қылмыстық жауапкершілікке жатқызу және жазасын әлдеқайда қатаңдату;
- жәбірленушіні күтпей-ақ зорлық-зомбылық туралы БАҚ немесе онлайн-платформалардағы ақпарат негізінде тиісті шаралар қабылдау құқығын беру;
- отбасында зорлық-зомбылық жасаған адамдардың агрессивті мінез-құлқын өзгерту үшін сотқа психологиялық көмек көрсетуді міндеттеу уәкілетін беру;
- педофилдерді өмір бойы бас бостандығынан айыру туралы арнайы норма қарастырылған.
- Оған қоса суицидті насихаттағаны үшін немесе суицидке итермелегені үшін қылмыстық жауапкершілікті енгізу;
- балаларға арналған интернат ұйымдарын оларға алдын ала ескертпей кез келген уақытта тексеру және т.б. бөліктері бар.
Талқылау

Радикализмнен қорғанудың жолы – иммунитет қалыптастыру: Теріс ағымнан сақтануда сақтануда діни білімнің маңызы қандай
Әл-Фараби Болатжан: “Надандық бар жерде радикалдық ағым кең етек жая бастайды”

"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”