Педофилдер мен лаңкестердің Қазақстанға кіруіне тыйым салатын заң мәжіліске қайтарылды
Сенат депутаттары көші-қоны саласындағы заң актілеріне жекелеген өзгерістер енгізу үшін заңды мәжіліске қайтарды. Негізгі түзетулер қылмыстық-атқару жүйесі саласындағы өзгерістерге байланысты болмақ. Бұл туралы Stan.kz ақпарат агенттігі хабарлайды.
Атап айтқанда, кәмелетке толмағандардың жыныстық тиіспеушілігіне қарсы қылмысы бар сотталғандардың Қазақстан азаматтығын алуына, сондай-ақ олардың елге кіруіне мүмкіндік берілмейді. Экстремистік немесе лаңкестік әрекетке қатысы бар шетелдіктерге де елге кіруге тыйым салынады.
Аталмыш заңға мынадай түзетулер енгізілді:
- Қазақстан Республикасы Қылмыстық кодексінің 428-1-бабының екінші бөлігіне ("Қылмыстық-атқару жүйесі мекемесі әкімшілігінің заңды талаптарына бағынбау") қатысты қылмыстық жауаптылықтан басқа жазаның баламалы түрлері алынып тасталсын. Сондай-ақ қылмыс қызмет бабын пайдаланып жасалса, бас бостандығынан айыру мерзімі 2 жылдан 5 жылға дейін ұзартылсын.
- Бейнебақылау жүйелерін қасақана жою немесе бүлдіру үшін қылмыстық жауапкершіліктің енгізілуіне байланысты Қазақстан Республикасының қылмыстық-атқару кодексіне "бейнебақылау" түсінігін енгізе отырып толықтыру.
- "Халықтың көші-қоны туралы" заңның жекелеген нормалары ҚР кәсіпкерлік кодексінің және "ҚР кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы" заңның нормаларына сәйкестендірілді.
Сондай-ақ, заң баптары нормаларының ішкі келісілуін қамтамасыз етуге және құқықтық коллизияға жол бермеуге байланысты өзгерістер енгізілді.
"Жарты жылдан астам уақыттан бері ізімнен қалар емес": Сталкингтің қауіпті белгілері және одан қалай қорғануға болады?
Психолог сталкерлердің бастапқыда байқалмайтын белгілерін атады
"Еркектен сезіне алмаған қамқорлықты сезіндім": Қазақстандық әйелдер бостондық некеде қалай өмір сүріп жатыр
Алайда кейіпкеріміздің сөзінше, бостондық неке жақсы жағынан гөрі жаман тұсымен ерекше есінде қалған