Басты жаңалықтар
Павлодарда пансионатта қылмыстық топ зейнеткерлерді аш қалдырып, соққыға жыққан
Павлодарда қарт адамдарды азаптап, алаяқтықпен айналысқан қылмыстық топ әшкереленді. Бұл туралы Stan.kz ақпарат агенттігі хабарлайды.
Фото: pixabay.com
Павлодар облыстық прокуратура полиция департаментімен бірлесіп, мүгедектігі бар зейнеткерлерді жүйелі түрде ұрып-соққан жеке пансионатты анықтады.
“Пансионат қызметкерлері 20 қарттың конституциялық құқығын өрескел бұзған (тамақтану мен жүріп-тұруын шектеп, ұрып-соққан). Сондай-ақ қайтыс болған тұрғындардың пәтерін ұзақ уақыт жалға беріп келген", – делінген хабарламада.
Жоғарыда аталған фактілер бойынша сотқа дейінгі өндіріс қозғалып, тергеу ішкі істер органдарына жүктелді.
Тергеу мүддесін көздейтін өзге де мәліметтер Қылмыстық іс жүргізу кодексінің 201-бабына сәйкес жария етуге жатпайды.
Айта кетейік, бұған дейін Солтүстік Қазақстанда ер адам өзінің қарт анасын ұрып өлтіргені туралы жазған едік.
Талқылау
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
Дәрігер мен этнограф жауабын берді
Қазақстандықтар не себепті филиппиндік бала күтушілерді таңдайды және олардың құны қанша
Қазақстандық отбасылар филиппиндік күтушілерге 900 доллар (465 957 теңге) және одан да көп төлеуге дайын екенін айтты