Павлодар облысында жолаушы көлік ішінде жанып кетті
Павлодар облысында жол апаты болып, көлік ішінде бір адам жанып кетті, деп хабарлайды Stan.kz ақпарат агенттігі Pavlodarnews.kz сайтына сілтеме жасап.
Оқиға Нұр-Сұлтан - Павлодар тасжолында Пограничник пен Спутник ауылдарының арасында болған. Екі көлік соқтығысып, салдарынан бір көлік өртенген.
Облыстық денсаулық сақтау басқармасының мәліметінше, жол апатында 3 адам зардап шеккен.
"1987 жылғы ер адам омыртқа сүйегінің сынуы диагнозымен, 1999 жылғы ер адам жабық бас сүйек-ми зақымы мен беті жыртылып Павлодар қаласының №1 ауруханасына жеткізілді", - деді басқарма өкілдері.
Ал үшінші адам кім екені анықталмады.
"Үшінші адам "Индрайвер" қосымшасымен көлікке отырған жолаушы. Ол адамда биологиялық өлім анықталды. Толығымен жанып кеткендіктен кім екенін анықтау мүмкін болмады", - дейді олар.
Жол апаты болған жерге жедел жәрдемнің екі тобы шығып, қызмет көрсетті.
Талқылау
"Тиіндерді өлтіресіздер": Алматылықтар әкімдіктің егеуқұйрықтарды улау шарасына наразы
Сөздерінше, осылайша олар кеміргіштерден бұрын құстар мен тиіндерге, мысықтарға зиян келтіреді
"Арнайы тізім жасалуда": Президент тапсырмасынан соң Қазақстанда кімдердің жәрдемақысы қысқартылады
Экономист: “Зәулім үйде тұрып, баспанасыздарға арналған жәрдемақы алатындар бар”