Павлодар облысында мас күйінде көлік жүргізген әкім ұсталды

Полиция Шығыс Қазақстан облысы, Курчатов қаласында шенеунікті тоқтатты. Тексеріс кезінде ауыл әкімінің мас болғаны анықталды. Оған қатысты хаттама жасалды.

Сот ер адамды жүргізуші куәлігінен айыру және оны 15 күнге жабу туралы шешім шығарды деп хабарлайды Павлодар облыстық соты.

Құқық қорғау органының мәліметінше, оқиға 10 қазан, сенбі күні кешке болған. Полиция Шығыс Қазақстан облысы, Курчатов қаласында, Павлодар облысы Ақжар ауылының әкімінің көлігін тоқтатты. Ол Lada автокөлігін басқарған. 

«10 қазандағы медициналық сараптаманың қорытындысына сәйкес, азамат орташа дәрежеде мас күйінде болған. Сот отырысында құқық бұзушы өз кінәсін толық мойындады, жасаған ісіне өкінеді», - деп хабарлады Павлодар облыстық сотының баспасөз қызметі.

Көлік құралын мас күйінде басқарғаны үшін әкімшілік іс қозғалды. Май аудандық соты шенеунікті 15 тәулікке қамауға алу туралы шешім шығарды. Сонымен қатар, 7 жыл бойы рөлге ие бола алмайды.