Париж олимпиадасының күміс жүлдегері Демеу Жадыраевқа атыраулықтар қасқыр терісінен шапан жапты
Грек-рим күресінен Париж олимпиадасының күміс жүлдегері Демеу Жадыраевқа атыраулық кәсіпкерлер қасқыр терісінен жасалған шапан жапты. Бұл туралы Stan.kz ақпарат агенттігі хабарлайды.
Фото: instagram.com/tugayev.arman/
Атыраудағы Oil Capital Cup турниріне құрметті қонақ ретінде шақырылған Демеу Жадыраевқа қасқыр терісінен тігілген шапан жауып, құрмет көрсетті. Бұны атыраулық кәсіпкер әрі Атырау күрес федерациясының басшысы Арман Тұғаев өзінің әлеуметтік желідегі парақшасында жариялады.
“Қасқыр мінезді Демеу бауырыма қасқыр терісінен шапан” – деп жазды кәсіпкер.
Сондай-ақ Демеумен бірге Атыраудағы турнирге қырғыз күресінің аңызы Ақжол Махмұдов та құрметті қонақ ретінде келіп, жастармен кездесу өткізді.
Айта кетейік, Демеу Жадыраев пен Ақжол Махмұдов Париж олимпиадасының ширек финалында жолығып, Жадыраев 3:0 есебімен жеңіске жеткен еді.
Алматылықтар үй сыртындағы тарихи тақталарды алып тастауға қарсы шықты
Желі қолданушысы: "Ғимараттардың сыртқы келбетін бұзатын кондиционерлер орнатуға, балкондарды әйнектеуге жол бермеу керек еді"
Абай облысында 180 миллиард теңге жұмсалған жол үгітіліп жатыр
Орталық: "Нысандарды пайдалануға беру және учаскелер бойынша қорытынды есептерді дайындау алдында барлық анықталған кемшілік толық жойылған"