Оралда такси жүргізушісі мен оның досы жолаушы қызды зорлаған: Күдіктілер жазаланды

Оралда клиентін зорлаған такси жүргізушісі мен оның досы сотталды, деп хабарлайды Stan.kz ақпарат агенттігі "Мой город" сайтына сілтеме жасап.

Қылмыс өткен жылдың тамыз айында жасалған. Құрбысына қонаққа барған 26 жастағы қыз танымал қолданба арқылы таксиге тапсырыс берген. Жүргізуші басқа жолаушымен келіпті. Бойжеткен көлікке отырып, жолаушының қолында бір бөтелке алкоголь барын жолда ғана байқаған.

Такси жүргізушісі және досы бойжеткенді елсіз жерге апарып, ұрып-соғып, зорлаған.

26 мамырда сот отырысы өтті. Қылмыскерлерге ең ауыр жаза тағайындалып, әрқайсысы сегіз жыл бас бостандығынан айырылды.

Ер адамдар жазасын орта қауіпсіздіктегі қылмыстық-атқару жүйесі мекемесінде өтейді. Соттың үкімі заңды күшіне енген жоқ.