Он рет жеңіске жеткен қазақ боксшысы Еуропадағы жекпе-жекке қатыспақ

Бірінші жартылай орта салмақтағы қазақстандық боксшы Дәулет Дәукенов (10-2, 4 КО) 18 ақпанда Пльзен қаласында (Чехия) өтетін бокс кешіне қатысады деп хабарлайды Stan.kz ақпарат агенттігі Sports.kz порталына сілтеме жасап.

Ол келесі жекпе-жектің өтетін күнін мәлімдеді. Отандық спортшының қарсыласының есімі әлі жарияланбады.

Дәукенов бұған дейінгі жекпе-жегін 2021 жылдың 18 желтоқсанында Астанада өткізген болатын. Онда ол Өзбекстан өкілі Элдорбек Саидовты (6-7-2, 4 КО) жеңді. Кейін қазақстандық өткен жылдың 16 желтоқсанында елордада бокс кешінде өнер көрсетуді жоспарлаған, алайда шара өтпей қалған.