Алматыда Гелендваген қатысуымен болған апатта екі қыз қаза тапты
Алматыда түнде Mercedes G-Class және Suzuki көліктерінің қатысуымен өліммен аяқталған апат болды. Бұл туралы Stan.kz ақпарат агенттігі хабарлайды.
Жол апаты таңғы сағат 3:10 шамасында Алатау ауданында, Рысқұлов даңғылы мен Шарипов көшесінің қиылысында болды.
Полицияның мәліметінше, Suzuki жүргізушісі кері бұрылыс кезінде Mercedes көлігіне жол бермей, көліктердің соқтығысуына себеп болған.
Suzuki жүргізушісі мен жолаушылардың бірі алған жарақаттарынан оқиға орнында мерт болды. Suzuki көлігіндегі тағы бір жолаушы мен Mercedes жүргізушісі әртүрлі жарақаттармен ауруханаға жеткізілді.
Полиция оқиғаға байланысты қылмыстық тергеу бастады. Қазір барлық мән-жай тексеріліп жатыр.
Түркістан облысында әскерге кеткен сарбаз мүгедек болып оралды
Жігіттің туғаннан жамбасында ұршық болмағанына қарамастан, әскерге баруға жарамды деп тапқан
Алма-Арасан тау бөктеріндегі жабық аумақ: Алма бағының ортасында кімдер коттедж салып жатыр?
Алма бақтарының арасында соңғы жылдары бірнеше ірі коттедж пайда болған