Нью-Йорктегі қазақ полицейі Астанада алғашқы жекпе-жегін өткізетін болды

Кәсіпқой бокста бірде-бір жеңіліс көрмеген жерлесіміз Димаш Ниязов Астанада алғашқы кездесуін өткізеді. Халықаралық ЕХРО көрмесі аясында өтетін кеш оған жақсы мүмкіндік ұсынып отыр.

16230604_402202866796166_6804350785351057408_n

Бұл туралы “Хабар 24” хабарлайды.

Біреу білсе, біреу білмес, дәл осы Димаш Ниязов Нью-Йорктің қазақ полициясы деген атпен кеңінен танымал. Мұхиттың арғы жағында тұратын жерлесіміз Димаш Ниязов кәсіпқой рингте 11 кездесу өткізіп үлгерді және барлығында жеңіске жетті. Әсіресе Детройтта болған жекпе-жек көпшіліктің есінде ерекше сақталып қалды. Өйткені ол доминикандық қарсыласын 5-раундта жойқын соққысымен нокаутқа жіберді.

“Бокспен ең алғаш Қазақстанда айналыса бастадым. Бапкерім Нұрғали Сафиуллин болатын. Қазір ол олимпиадалық құраманы дайындайды. Міне, сол іргетастың арқасында бокс әлеміне жақсылап сіңісе алдым. Қазіргі жеңістерімнің барлығын қазақстандық мектеппен және қанда бар қасиетімізбен байланыстырамын”, – дейді Димаш Ниязов.

Димаш АҚШ-та жүргенімен, туған жерімен байланысты ешқашан үзген емес. Үнемі елде қалған туыстары және достарымен хабарласып тұрады. Ал бокс кешіне қатысу мүмкіндігі ашылғанда қуанышында шек болмапты.

“Астанадағы кездесу қыркүйек айында өтеді. Қанат Исламның кездесуі аясында мен де өнер көрсететін болдым. Өте қуаныштымын. Қазір елорда қатты өзгерген. Халықаралық ЕХРО көрмесі өтіп жатыр. Міне, осының аясында мен де қарсыласымды жеңіп, халқыма ерекше әсер сыйлағым келеді”, – дейді ол.

Айта кетейік, Димаш Ниязов Нью-Йоркте тәртіп сақшысы қызметін атқарады және жай ғана полицей емес, бейбіт заманның батыры. Бірнеше рет қауіпті қылмыскерлердің жолын кесіп, арнайы марапат алды.

Оқи отырыңыз:

Әділбек Ниязымбетов: Ақша бізге оңай жолмен келсе, неге елдің бәрі Олимпиада чемпионы болып кетпейді

Қазақстанның үздік бапкерлері мен ойыншылары анықталды

Қазақстандық әртістер құрамасы футболдан әлем чемпионы атанды (фото, видео)

Қуат Найман: Димашқа Қайраттай болу үшін әлі біраз еңбектену керек

Талқылау
Пікір
Қазір оқып жатыр
Çàãðóçêà...
Қазір оқып жатыр