Нұрсұлтан Назарбаев Путинмен кездесу өткізді
Нұрсұлтан Назарбаев Ресей президенті Владимир Путинмен кездесу өткізді. Бұл туралы Stan.kz ақпарат агенттігі хабарлайды.
Фото: Кремль
Кездесу туралы ақпарат 13 желтоқсанда 22:00де жарияланған. Өзге деректер жария етілмеді.
"Ново-Огаревте Владимир Путин мен Қазақстанның тұңғыш президенті Нұрсұлтан Назарбаев кездесу өткізді", – делінген Кремльдің сайтында.
Ново-Огарев – Мәскеу түбіндегі Одинцовск ауданы Усово ауылында орналасқан сарай. Нысан 19-ғасырда бой көтерген. Бұл Путиннің мемлекетік резиденция, мұнда ол қызметтік кеңестер мен ел басшыларымен кездесу өткізеді.
Еске салайық, бұған дейін Назарбаевтың жеке өмірі мен денсаулығы туралы ақпарат мемлекеттік құпия болатыны туралы хабарлаған едік.
Заң жобасы президенттің және оның отбасы мүшелерінің қауіпсіздігін қамтамасыз ету әдістері туралы, президенттің денсаулығы мен жеке өмірі туралы мәліметтерді мемлекеттік құпиялар қатарына қосуды көздейді. Бұл экс-президенттерге де қатысты.