Лифтпен төмен түспек болған ер адам қатты тоқ соққанын айтып жазба қалдырған. Ер адамның қолы лифт батырмасына жабысып қалған. Оған жанында тұрған ер адам көмектескен көрінеді. Ол тоқ соққан ер адамның қолын лифт батырмасынан қораппен ұру арқылы ажыратып алған.

“Ол бірден қолымды ажырата алмады. Мен қатты ауырсыну мен болып жатқан жағдайдан шок алып қалдым. Мені есіктен ажыратып алғаннан кейін есімнен танып қалған екенмін. Көзімді ашқанда ауруханада болдым”, – деп түсіндірді ол.

Жәбірленуші бұл оқиғаға кінәлілердің жауапқа тартылуын талап етті.

Академик Батпенов атындағы ортопедия және травматология ғылыми-зерттеу институтының баспасөз қызметі түскен науқастың жағдайы туралы айтып берді.

“Науқас 7 тамызда академик Батпенов атындағы ортопедия және травматология ұлттық ғылыми орталығына келіп түсті. Оның оң және сол жақ иығы шығып кеткен. Барлық медициналық процедуралар жүргізілді. Ол 4 күн бойы дәрігерлердің бақылауында болды. Кеше науқас үйіне шығарылды”, – деп хабарлады орталық.

Оқиғаға қатысты полиция басқармасы түсінік берді.

“Аталған факті бойынша ҚР ҚК 1 бөлігінің 306-бабы "Қауіпсіздік талаптарына сәйкес келмейтін тауарларды шығару немесе сату, жұмыстарды орындау немесе қызметтерді көрсету" бойынша сотқа дейінгі тергеу жүргізілуде. Істің барлық мән -жайларын объективті тексеруді қамтамасыз ету үшін қажетті тергеу әрекеттері жүргізіледі”, – деп мәлімдеді қалалық полиция департаменті.

Сот-медициналық сараптама тағайындалды, оның нәтижелері бойынша процессуалдық шешім қабылданады.

Талқылау