Нұр-Сұлтанда мектептен 175 адам эвакуацияланды: Желіде видео тарады
Нұр-Сұлтандағы жеке мектептен 175 адам жарылғыш зат туралы хабарламаға байланысты эвакуацияланды, деп хабарлайды Stan.kz ақпарат агенттігі қалалық полиция департаментінің баспасөз қызметіне сілтеме жасап.
"Полицияның "102" арнасына сағат 11:32-де Astana Garden School жеке меншік мектебінің электрондық поштасына жарылғыш зат салынғаны туралы хабарлама келіп түсті. Барлық шұғыл қызметтер дереу оқиға орнына жіберілді. Мектептен 175 адам эвакуацияланды. Жарылғыш құрылғылар табылған жоқ", - делінген хабарламада.
Полицейлер Қылмыстық кодекстің 273-бабы - "Терроризм актiсi туралы көрiнеу жалған хабарлау" бойынша қылмыстық іс қозғады.
Құқық қорғау органдарының мәліметінше, 2020 жылы осындай 10 қылмыс тіркелген.
"Полиция қызметкерлері барлық кінәлілерді анықтап, ұстады. Барлық фактілер бойынша ұсталғандар түрлі мерзімге бас бостандығынан айырылды", - деп толықтырды департаменттен.
“2 миллиард теңгеге жуық“: Қазақстан өңірлері 2026 жылды қарсы алуға қанша қаражат жұмсайды?
Алайда биыл елордалықтар жергілікті бюджет қаржысын үнемдеген көрінеді
"Өліп қала жаздаған кездерім болды": Қарызға батып жезөкше болған қазақстандық табысы туралы айтты
Ләйлә: "Жетім қыздар, күйеуге шығайын деп жүргендер, бұрынғы күйеуінің несиесін төлеп жүргендер бар"