Алматы облысында "Қазавтожол" қызметкері жол апатынан қаза тапқан адамның телефонын ұрлап кеткен

Фото: pixabay.com

Алматы облысында "Қазавтожол" қызметкері жол апатынан қаза тапқан адамның ұялы телефонын ұрлап кеткен. Оған қатысты қылмыстық іс тіркелді. Бұл туралы Stan.kz ақпарат агенттігі хабарлайды. 

Оқиға Еңбекшіқазақ ауданында болған. Онда ер адам апат болған жерде жәбірленушінің ұялы телефонын ұрлап, кейін оны баласына сыйлаған.

Алматы облысының полиция департаменті мұндай қылмыстық іс шынымен тіркелгенін мойындады. Күдікті анықталып, аудандық басқармаға жеткізілген.

• Алматыда көлікте шылым шекпеуді өтінген такси жүргізушісін жолаушы ұрып, балағаттаған   

• "Қызметінен босатуды тапсырған": Руслан Берденовке оқ атқан күдіктінің неліктен бұл әрекетке барғаны айтылды

"Іс бойынша барлық мән-жайды зерттеудің жан-жақтылығын, толықтығын және объективтілігін қамтамасыз ету үшін тергеу іс-қимылдарының кешені жүргізіліп жатыр", – деп хабарлады ведомство.