БҚО-да ұлттық тестілеу орталығының ақпаратын ұрлағандар сотталды

Оралда ұлттық тестілеу орталығының ақпаратын ұрлаған екі ер адам сотталды. Бұл туралы Stan.kz ақпарат агенттігі хабарлайды. 

Фото: Pixabay.com

Ұлттық қауіпсіздік комитетінің хабарлауынша, сәуірде Орал қалалық сотының шешімімен Батыс Қазақстан облысының екі тұрғыны Қылмыстық кодекстің “Ақпарат құқығын жою”,  “Өкілеттікті теріс пайдалану” және “Авторлық құқықты бұзу” бойынша сотталды. Олар 2 жыл 6 айға бас бостандығын шектеу жазасына кесілді. 

"Олар 5 жыл коммерциялық ұйымдарда басшылық қызмет атқару құқығынан айырылды, 2021-2022 жылдары екі сотталушы ұлттық тестілеу орталығының сұрақтарына заңсыз қол жеткізіп, көшірген. Оны ұлттық қауіпсіздік комитеті анықтады", – деп атап өтті ұлттық қауіпсіздік комитетінің баспасөз қызметі.

Үкім заңды күшіне енді.