Алматы әуежайы бүгіннен бастап қалыпты режимде жұмыс істейді
Алматы әуежайы 19 қаңтардан бастап қалыпты режимде жұмыс істейді, деп хабарлайды Stan.kz ақпарат агенттігі.
"Алматыда төтенше жағдай режимі мен коменданттық сағаттың аяқталуына байланысты 19 қаңтар сағат 00.00-ден бастап Алматы халықаралық әуежайы штаттық режимде жұмыс істей бастады", – деп хабарлады әуежайдың баспасөз қызметі.
Алматы халықаралық әуежайының аумағына автокөлікпен кіру уақытша шектеу қойылған.
Айта кетсек, Алматыдағы тәртіпсіздіктерден кейін 13 қаңтарда қала әуежайы қайта ашылды. Алайда төтенше жағдай мен коменданттық сағатқа байланысты таңғы 08:00-ден 21:00-ге дейін жұмыс істеді.
Еске сала кетсек, Алматыда тәртіпсіздіктер кезінде ойрандаушылар әуежайды басып алған. Ғимарат терроризмге қарсы операция барысында босатылды.
Астанада ойын орталығында 4 жасар бала тоқ соғып жарақат алды: Анасы орталықты тексеруді талап етті
Күтуші балаларды тоқтатпаған және бұлай ойнауға болмайтынын түсіндірмеген
Қазақстандық әйел қызының балмұздақ жегеннен кейін жансақтау бөліміне түскенін айтты
Анасы: "Инфекция баламның бүйрегін зақымдап жатыр"