"494 жеке тұлға Қазақстан Республикасынан тыс 26 елде 666 жылжымайтын мүлік объектісін декларациялады, оның ішінде 436 нысан – Ресейде, 44 нысан – Біріккен Араб Әмірліктерінде, 38 нысан Түркияда т.б. бар. 1030 жеке тұлға 49 шет мемлекетте тіркелген 1198 көлік құралын, оның ішінде 292-і – Ресейде, 235-і – Арменияда, 221-і – Жапонияда, 162-і – Германияда т.б. декларациялады", – деді ҚР ҚМ Мемлекеттік кірістер комитеті төрағасының орынбасары Жайдар Іңкәрбаев.

47 жеке тұлғаның Қазақстаннан тыс жерлерде, Ресейде, Кипрде, БАӘ-де 57 заңды тұлғада қатысу үлесі бар.

1585 жеке тұлға 11 елде 1603 жылжымайтын мүлік құрылысында үлесі бар екенін көрсетті.

918 адамның 25 елде бағалы қағаздары бар;

635 инвестициялық пай қорларында 608 адамның пайы бар;

212 адамның 218 зияткерлік меншігі, авторлық құқы бар;

355 адамның дебиторлық берешегі бар;

578 адамның кредиторлық берешегі бар.

1 704 жеке тұлға 2 327 нысанды басқа біреуге басқаруға берген.

Айта кетсек, Парламент Мәжілісінің депутаттары "Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы" заң жобасын мақұлдады. Құжаттың мақсаты – белгілі лауазымды адамдар ақшамен және өзге мүлікпен жүзеге асыратын операциялар бойынша тиісті бақылауды заңнамалық деңгейде белгілеу. Бұл адамдардың тізбесін президент бекітетін болады. Ал қаржы мониторингі агенттігі өз кезегінде осы адамдардың, олардың отбасы мүшелерінің және жақын туыстарының жеке тізімін жүргізеді.

Талқылау