Павлодардағы автожуу орнының қызметкері әріптесінің кесірінен аяғынан айрылды

Павлодарда автожуу ортылығыныың қызметкерін көлік қағып кетті. Рульде қыздың әріптесі болған, одан клиенттің көлігін қоюды өтінген. Оқиғадан кейін жәбірленуші бірнеше күн жансақтау бөлімінде жатты, содан кейін оның оң аяғын кесіп тастады, деп хабарлайды Stan.kz ақпарат агенттігі "Еуразия" бірінші арнасына сілтеме жасап.

Жәбірленуші Валентина Найдина әріптесінің мас болғанын білмеген.

"Мен әдеттегідей алдыңғы жақта тұрдым, бәріміз алдыңғы жақта тұрмыз. Көлік жүреді және жүреді. Әдетте, газ бергенде, олар сәл баяулайды. Бұл жолы оның тоқтамайтынын білмедім", - деді ол.

Апаттан кейін қыз бірнеше күн жансақтау бөлімінде жатты. Хирургтар оң аяғын тізеден жоғары кесіп тастады. Бұл жағдайда сол аяқтың өміршеңдігі күмән тудырады.

Болған жағдайдан кейін жәбірленушінің әпкесі әділеттілікке қол жеткізуге тырысып келеді. Ол осы көлік жуу орнының директорын тексеру туралы арыз жазды, бірақ полиция тек апат фактісі бойынша іс қозғады.

"Олар маған иә деді, әрине, сіздің өтінішіңізді қабылдаймыз, бірақ прокуратура сөзсіз бас тартады, өйткені ресми еңбек шарты жоқ", – дейді жәбірленушінің әпкесі Кристина Бурба.

Валентина Найдина төрт жыл бойы бейресми түрде жұмыс істегенін айтады. Оның үстіне бұл екі жаққа да ыңғайлы болған. Қазір тіпті еңбек инспекторлары да жәбірленушіге көмектесе алмайды.

"1 қаңтардан бастап президенттің жарлығымен микро және шағын кәсіпкерлікте тексеріс жүргізуге мораторий жарияланды. Осыған байланысты зардап шегушінің өтініші бойынша тексеру жүргізуге мүмкіндігіміз жоқ", – деп атап өтті облыстық еңбек басқармасының бөлім басшысы Абылай Сабыров.

Валентинаның әріптестері қыз үшін көлік жуу орнында жұмыс істеу ақша табу тәсілінен гөрі көңіл көтеру жолы болғанын алға тартады. Олардың айтуынша, қыз үнемі жұмыста болмайтын.  Көлік жуу орнының иесі де қайғылы жағдайда компанияның кінәсі жоқ деп санайды.

"Ол қосымша жұмыс істеуге келді, біз оның ауысатынын білмедік. Дәл сол күні оны ешкім жұмысқа қабылдаған жоқ. Таңертеңнен бастап бізде кім түсетіне жазылған табель болады. Сол кезде ол болмаған", - деді көлік жуу орнының директоры Руслан Бейсембаев.

Сонымен қатар, ол мас күйінде рульге отырған адам "автокөліктерге қызмет көрсетуге еш қатысы жоқ мүлдем сырттан келген кісі" екенін айтты.

Валентина соған қарамастан көңілін қалдырмауға тырысады. Басқа жұмысшыларға да бұл оқиға сабақ болғанын айтады.  Енді  олар көліктің алдыңғы жағында емес, жағында тұрады.

"Мен оларға мысал көрсеттім. Аяғыммен, денсаулығыммен", - деді қыз.

Павлодарлық әйелдің үш баласы бар, солар үшін мойымайды. Жәбірленуші қайғылы оқиғаға кінәліліерді сотқа бермекші.