Соңғы жаңалықтар
Соңғы жаңалықтар

Елордада дәрігерлер коронавирустан емделіп шыққан 93 жастағы әжейді қошеметпен шығарып салды - әсерлі видео

Нұр-Сұлтан қаласындағы көп салалы аурухананың дәрігерлері 93 жастағы және басқа егде жастағы науқастарды қошеметпен шығарып салды. Науқастар COVID-19 коронавирусынан толықтай айығып үлгерді.

Кадрдан дәрігерлердің науқастарды қол шапалақтап, дәліз бойымен қалай алып жүргенін көруге болады.

7 сәуірде Ақмола облысы, Целиноград ауданы, Аққайын кентіндегі «Шапағат» арнайы қызмет көрсету орталығынан 7 адам Нұр-Сұлтандағы көп салалы ауруханаға жіберілді. 

Олардың ең үлкені - 93 жаста. Тағы бір әже 87 жаста, қалғандары 60-70 жастағы науқастар. Әрқайсысынан коронавирус дерті расталған.

Науқастарда негізгі диагноздан басқа көптеген ауыр сырқаттары болды. Мысалы, созылмалы ишемиялық ауру, артериялық гипертензия және басқалары. 93 жастағы науқас жансақтау бөлімінен өтті.

23 сәуірде екі рет теріс нәтижесі анықталған соң 14 күндік емдеу курсынан кейін науқастар шығарылды және үй жағдайында оқшаулануға жіберілді.

Айта кету керек, бүгінгі күнге дейін қазақстандық дәрігерлер 604 адамды коронавирустан емдеді.

Талқылау
Пікір
Қазір оқып жатыр
Çàãðóçêà...
Қазір оқып жатыр