Талдықорған әкімдігі қала көркін бұзғандықтан Назарбаев ескерткішінің тұғырын алып тастады
Талдықорған қаласының әкімдігі Нұрсұлтан Назарбаев ескерткішінің тұғырын алып тастау себебін түсіндірді. Бұл туралы Stan.kz ақпарат агенттігі хабарлайды.
Желіде тұңғыш президент ескерткіші тұғырының жоғалуына қатысты ақпарат қызу талқылға түскен. Барлық демонтаж жұмысы түнде жүргізіліп, қала тұрғындары бұл процесті байқамай қалған.
Талдықорған қаласының әкімдігі тұғырды не себепті алып тастағанын түсіндірді.
"Ескерткіштің төменгі бөлігінің қалдықтары қала орталығының сәулеттік келбетін бұзуына байланысты тұғыр бөлшектелді. Қазір аталған жерде ешқандай мәдени нысанды қалпына келтіру немесе салу жоспарда жоқ", – деп хабарлады Талдықорған қаласы әкімінің орынбасары Бауыржан Әбібеков.
Еске салайық, Тұңғыш президент ескерткіші Қаңтар оқиғасы кезінде бұзылған еді. Кейін қала әкімдігі ескерткіштің қалпына келтірілмейтінін хабарлаған.
"Тегін тексермей, ақылы қызметке жіберді": МӘМС жайлы айтқан алматылық емхана қызметкері қысым көріп, жұмыстан шығарылғанын мәлімдеді
Қызметкер: "Бізде бәрі осылай істейді" деген сөздер айтылды"
Желіде 69 жастағы қазақстандық әжейдің ұзату тойы талқыға түсті: Ол мұны елу жыл бойы армандаған
Тойда қалыңмал беріліп, киіт ашылып, дәстүрлі жөн-жоралғылар орындалған көрінеді