Нұрғазиннің айтуынша, қашқын банкир Мұхтар Әблязов 2007 жылы алаяқтық жолмен оны ҚБК директоры етіп тағайындаған. Ол кезде ол жақын туысының жасаған барлық алаяқтық әрекеттеріне күдіктенбеген және бұл туралы құқық қорғау органдары банктегі ірі қаржылық ұрлықты байқағаннан кейін ғана білген.

"Біздің компания 152 миллион теңге несие алған. Маған осы несиені заңсыз алуға көмектесті деген айып тағылып отыр", – деді күдікті Қуаныш Нұрғазин.

2010 жылы БТА банк қарызға батып, Қазақстан үкіметі оны ұлттандырып, қайта құрылымдады, ал Мұхтар Әблязов теріс пайдаланды және алаяқтық жасады деген айыппен қаржы ұйымының басшысы қызметінен босатылды. Бұл ретте Қуаныш Нұрғазинге қатысты іс жеке өндіріске жіберілді. 2012 жылы Әблязовтың ағасы Еуропаға емделуге елден кеткен. Нұрғазин өзінің қуғынға ұшырағанын шетелде біледі.

"Мен іздеуде жүргенімді ауруханадан шыққан соң ғана білдім, полиция мені ұстады, содан кейін маған босқын мәртебесі берілді, содан бері мен Литвадамын.

Мені Мұхтар Әблязов алаяқтық схемалар мен махинацияларға еріксіз араластырды. Ұзақ уақыт Отаннан алыстау, БТА Банкінің экс-төрағасы мен оның сыбайластарының айналасындағы барлық жаңалықтар менің денсаулығыма қатты әсер етті.

Мені жиі тексеретін. Мен көп жыл емделдім, екі рет инфаркт алдым. Екі жамбас буынымды ауыстырдым", – дейді Нұрғазин.

Саяси қуғын-сүргіннің болмауы және демократиялық реформалар 73 жастағы Қуаныш Нұрғазиннің Литвада 12 жыл тұрған соң өз еркімен Қазақстанға оралуына түрткі болды. Атап өтсек, отанына оралу үшін ол Балтық жағалауындағы елде ұсынылған саяси баспанадан бас тартқан.

"Жиенімнің саяси істері мені ешқашан алаңдатқан емес. Бұл оның жеке ісі. Қазақстанға оралу менің тәуелсіз шешімім болды. Бүгінгі таңда Жаңа Қазақстан салынып жатыр, мен елімізде демократиялық реформалар жүріп жатқанына сенемін. Отандастарымды елге оралып, әділдік орнайтынына сенім білдіруге шақырамын", – деді Қуаныш Нұрғазин.

Талқылау