Мүмкіндігі шектеулі балаларға ұлттық қордан ақша төлене ме – Қаржы министрлігі жауап берді
“Ұлттық қор балаларға” жобасына 18 жасқа толмаған мүгедектігі бар балалар кіреді ме? Бұл сұраққа қаржы вице-министрі Дәурен Темірбеков жауап берді. Бұл туралы Stan.kz ақпарат агенттігі хабарлайды.
Ұлттық қор балаларға жобасына кәмелетке толмаған мүмкіндігі шектеулі, әсіресе ауыр дертке шалдыққан балалар да кіреді ме? Мұндай санаттағы балаларға мемлекет әлеуметтік жәрдемақы төлеп отырған соң, ұлттық қордағы ақша ол балаларға есептелмей қоймай ма?”. ОКҚ алаңында өткен баспасөз мәслихатында вице-министрге Stan.kz тілшісі осылай деп сауал жолдады.
Министр орынбасары балаларды бөліп жармайтынын айтты.
“Осы бағдарламаға барлық 18-ге толмаған балалар қатысады. Ешқандай санаттарға бөлінбейді. 18 жасқа толмаған балаларға бірыңғай құқық беріледі. Инвестициялық табыстың 50 %-ы теңдей барлығына бөлінетін болады”, – деді вице-министр Дәурен Темірбеков.
Екінші деңгейлі банктер тұрғын үй қарызын бере алады, референдум өтеді: Қазақстанда 1 наурыздан бастап не өзгереді
Наурыз айында қандай өзгерістер болатынын зерттеп көрдік
25 мың теңгелік автотұрақ: Көк Төбеде туристер есебінен кім табыс тауып отыр?
Парктің әкімшілік басшысы Фархат Уәлиев парк жұмысына қатысты сын негізсіз екенін айтады