"Мен президент болғанша көмек қолын созсаңыздар": Алматы облысында жас тұрғын "ел басқарушы ағаларға" үндеу жолдады
Алматы облысындағы Еңбекші ауылының жас тұрғыны "ел басқарушы ағаларға" үндеу жолдады. Мұнда бала есейгенде президент болатынын айтып, оған дейін жоғары жақтағыларға ойын алаңы мен жол салып беруін сұрайды. Бұл туралы Stan.kz ақпарат агенттігі хабарлайды.
Ауылда ойнайтын алаңқайдың жоқ екенін айтқан бала шенділерден көмек сұрады.
“Жаз болса бітіп жатыр. Бізде ойнайтын бір алаң жоқ. Жүрміз. Ойын алаңымыздың түрі мынау, шаңға бүркіп келеміз. Жабайылар секілді ойнаймыз. Қалаға барғымыз келеді”, -дейді ол.
Сөзінше, қалаға бару үшін 2 шақырым жолды жаяу жүруі керек екен. Тіпті көліктер зулап жататын қауіпті жолды кесіп өту керек болғандықтан көбіне ата-аналары жібермейтінін айтты. Балдырған басшылықтағылардан жол мен ойын алаңын салып беруді сұрады.
"Құрметті ел басқарушы ағалар! Мен өскенде президент болғым келеді. Мен президент болғанша көмек қолын созуларыңызды сұраймын", - дейді ол видеода.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған