Мексикада COVID-19-бен ауырған науқастан "қара зең" анықталды
Мексика штатының дәрігерлері қант диабетімен ауыратын 34 жастағы ер адамда мукормикоз анықтады. Ауру белісі науқас COVID-19-бен ауырғаннан кейін пайда болды, қазір науқастың өміріне қауіп төніп тұр.
"Оториноларинголог дәрігер оған мукормикоз, "қара зең" диагнозын қойды. Оған жедел түрде ота жасау керек", – дейді науқастың ағасы.
Грегорио Авендаьоға 10 мамырда COVID-19 диагнозы қойылған. Қант диабетіне қарамастан, ол аурумен жақсы күресіп, емделген соң жұмысына қайта оралды.
Авенданьоның жағдайы 26 мамырда нашарлап, үш күннен кейін ауруханаға бет нервтерінің сал ауруымен жеткізілді.
1 маусымға дейін науқас сөйлей алмай қалды, енді дәрігерлер оның сол көзін алып тастайды.
Мукормикоз немесе “қара зең” – бұл саңырауқұлақ инфекциясынан туындаған асқыну.
Ауру қант диабетімен ауыратын адамдарға, сондай-ақ аурумен күрескеннен кейін иммунитеті төмендейтіндерге, атап айтқанда коронавирусқа өте қауіпті. Жақында Үндістан мен Иракта аурудың өліммен аяқталатын жағдайлары анықталды.
"Мүгедектер мен аурулар саны артып келеді": Бір аптадан бері түтінге тұншығып отырған атыраулықтар дабыл қақты
