Маңғыстауда тұрғындар "әлемдегі ең батыл сүтқоректіні" видеоға түсіріп алды
Маңғыстау облысында тұрғындар Қазақстанда сирек кездесетін итаюды видеоға түсіріп алды деп хабарлайды Stan.kz ақпарат агенттігі.
Жануар тұрғындардың жанына келген. Кейін айбат көрсетіп, жасырынып қалды.
Қазақстанда итаюды ашық алаңқайда көру өте қиын. Алғаш рет жануарды елімізде 1983 жылы кездестірген. Ғалымдардың пайымдауынша, ел аумағында он шақты итаю бар.
Итаю – сүтқоректі жануар. Африка мен Азия аумағында мекендейді және өзінің батылдығымен ерекшеленеді. Гиннестің рекордтар кітабына итаю "әлемдегі ең батыл сүтқоректі" ретінде енді. Терісі қалың болғандықтан өзге жануарлар оны тістей алмайды, сондықтан кез келген жыртқышқа қарсы шабуылдайды.
Бұған дейін итаюдың видеосы 2022 жылы түсірілген еді. Бұл кезде белгісіз біреулер жол талғамайтын көлікпен жануардың соңынан қуған.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен
Қазақстандық дәрігерлер Республика күніне сыйақы берілмегеніне жаппай наразы болды: Сыйақыны кімдер алады
Сонымен қатар қолданушылар медицина қызметкерлерінің жалақысы мен әлеуметтік жағдайын жақсарту қажеттігін көтерген