Маңғыстауда сот мұнайшылардың ереуілін заңсыз деп таныды
Маңғыстаудағы мұнай компаниясының қызметкерлері 23 қазанда жұмысын тоқтатып, ереуілге шықты. Сотта наразылық акциясы заңсыз деп танылды. Бұл туралы Stan.kz ақпарат агенттігі хабарлайды.
Фото: freepik.com
Соттың баспасөз қызметінің мәліметінше, "Caspian Drilling LLP" компаниясы жұмысшылардың ереуілін заңсыз деп тану туралы шағым түсіргенін.
Ереуілге шыққан мұнайшылар бұрын жұмыстан босатылған әріптестерін жұмысқа қайтару, жалақыны 50%-ға көтеру және Мұнайшылар күніне жалақыларының 100%-ы көлемінде үстемеақы төлеу туралы шарт қойып, жұмыстарын тоқтатқан. Осы шарттармен қатар директордың орынбасары мен департамент басшысын қызметінен босату талабы да қойылған.
"Шағымданушы өз талап-арызында ереуіл еңбек заңнамасын бұза отырып өткізілгенін көрсетеді: жұмысшылардың талаптары, оның басталуы мен ұзақтығы туралы жазбаша хабарлама жоқ, жұмысшылар конференциясы өткізілмеген. Сондай-ақ, ереуіл қауіпті өндірістік нысанда өткізілген", – делінген сот хабарламасында.
Маңғыстау аудандық соты ереуілді заңсыз деп таныды. Шешім заңды күшіне енген жоқ.