Маман өмір жасын ұзартатын тағамдарды атады
Диетолог Алексей Кабанов дұрыс тамақтану үшін талшық пен өсімдік тағамдарын көп қолдану керегін айтты. Бұл туралы Stan.kz ақпарат агенттігі Lenta сайтына сілтеме жасап хабарлайды.
Фото: dzen.ru
Маман ұзақ өмір сүру үшін дұрыс және теңгерімді тамақтанған жөн дейді.
“Көбінесе біз өсімдік тағамдарын, ақуыздары мен талшықтарын аз тұтынамыз. Өмір жасыңызды ұзарту үшін күнделікті жаңа піскен жемістер мен көкөністерді, өсімдік майларын және жаңғақтарды тұтынған жөн. Диетаға ет пен сүт қосқаныңыз абзал”, – деді маман.
Күн сайын өсімдік майы қосылған көкөніс салаты, құс еті және балық жеуге тырысыңыз. Десертке шырын мен тәтті тағамдардың орнына жемістерді тұтыныңыз.
Маманның айтуынша, диетадан қаныққан май мен қант қосылған тағамдарды азайту немесе алып тастау маңызды,.
"Дәл осы екі компонент созылмалы жүрек және қан тамырлары ауруларының, қант диабеті мен семіздіктің дамуына әкеледі. Ұзақ өмір сүрудің басты жауы – ет. Сондықтан шошқа және қой етін толығымен қолданбаған жөн. Ал майсыз сиыр етін аптасына бір-ақ рет тұтынған жөн. Екінші жау – қант. Сондай-ақ оны толығымен жоюға немесе мүмкіндігінше азайтуға болады. Ең дұрысы,тәтті ақуыздарды қолданған жөн. Олардың болашағы зор. Олар көмірсулар емес, ақуыздар, қанттан 1000 есе тәтті және асқазан-ішек жолдары үшін қауіпсіз", – деді ол.