Магистратураға түсу үшін тест тапсырғандардың жартысынан азы ғана шектік баллды еңсерген
Ғылым және жоғары білім министрлігі магистратураға түсу үшін кешенді тестілеудің аралық қорытындысын шығарды. Бұл туралы Stan.kz ақпарат агенттігі хабарлайды.
Емтиханға 43 мыңға жуық өтініш берілген, 23 мың үміткер тестілеуден өтті. Олардың 43%-ы ғана шекті балл жинады. Орташа көрсеткіш – 73 балл. Максималды балл – 130.
Ережені бұзғаны үшін 149 қатысушының нәтижелері жойылды. Емтиханға дейін смартфон және басқа да тыйым салынған заттарды алып өтуге тырысқаны үшін 92 үміткер жіберілмеді. Тестілеу кезінде ережелерді бұзғаны үшін 57 адам аудиториядан шығарылған.
Биыл магистратураға 13 мыңнан астам грант бөлінді.
Кешенді тестілеу 10 тамызға дейін жалғасады. Магистратураға ғылыми-педагогикалық бағытқа түсу үшін өту балы – 75 балл, бейіндік бағытқа – 50 балл.
"TikTok арқылы жарын жолықтырып, заңгерден әншілікке өткен": Желіде танымал болған қазақстандықтар қалай жетістікке жеткенін айтып берді
Рамазан айы басталып, Ұлттық қордан балаларға ақша түседі: Ақпаннан бастап Қазақстанда қандай өзгерістер болады?
Отбасы банк тұрғын үй кезегінде тұрған азаматтарға қатысты талаптарды жұмсартты