Қытайлық робот-журналист бір секундтың ішінде бір мақала жазып тастады
Қытайлық Сяо Нань есімді роботтың мақаласы Southern Metropolis Daily газетінде жарық көрді. Онда қытайлық Жаңа жыл мерекесін тойлау туралы жазылған.
Бұл туралы China Daily хабарлайды.
Пекин университетінің профессоры, робот құрастыру командасының жетекшісі Ван Сяоцзынның айтуынша, электронды тілші қысқа ақпараттарды да, ұзақ мақалаларды да жаза алады екен.
“Әдеттегі тілшімен салыстырғанда Сяо Нань оқиғаны жылдам сараптап, тым қысқа уақыттың ішінде мақала жаза алады. Бірақ бұл, роботтар жақын арада журналистерді толықтай алмастырады деген сөз емес”, – дейді маман.
Себебі, роботтар қазіргі таңда адамнан сұхбат алып, сондай-ақ, мақалада нақты қай мәселеге басымдық түсіру керек екенін білмейді. Әйтседе, профессор робот жұмысы журналистика үшін қосымша көмек керек деген пікірін білдірді.
Оқи отырыңыз:
Шашылып жатқан бөлмеде селфи жасаған бойжеткен елдің сынына қалды (фото)
Шетелдік ғалым Марстан түкті маймыл-өрмекшіні байқап қалған
Ғарышта сулы шүберекті сыққанда қандай өзгеріс болатынын көріңіз (видео)
Белорусcиялық жігіт кілеммен күресіп интернетте хитке айналды (видео)