“Депутатқа қатысты қылмыстық іс қозғалып, тергеу немесе сот жүріп жатса, жогорку кенеш пен оның спикері бұған араласпайды. Кінәсі дәлелденген жағдайда, депутат жазасын өзі тартады”, — деді Нуракун уулу.

“Қырғызстан” парламенттік фракциясы кезектен тыс жиналыс өткізген. Фракция хатшылығы атап өткендей, Дамирбек Асылбек уулу Қырғызстан мен Қазақстан атынан күрестен жарыстарға қатысып, спорттың осы түрінің дамуына үлкен үлес қосқан.

“Алдын ала мәлімет бойынша, депутаттың айыптауларға қатысы жоқтығы туралы ақпарат бар. “Қырғызстан” фракциясы сыртқы істер министрлігі мен құқық қорғау органдарымен тығыз байланыс ұстап отыр. Біз бұл істі Қазақстанның құзырлы органдары заң аясында, Қырғызстан азаматтарының құқықтарын бұзбай зерттейді деп сенеміз”, — делінген хабарламада.

Қазақстанның Ұлттық қауіпсіздік қызметі және Жемқорлықпен күрес жөніндегі Ұлттық бюро 15-16 ақпанда Алматы, Жамбыл және Оңтүстік Қазақстан облыстарында және Алматы қаласында арнайы операция жүргізді. Соның нәтижесінде 35 адам ұсталған. Олардың арасында кеден және құқық қорғау органдары қызметкерлері, брокерлер, қылмыс әлемінің өкілдері бар. Олар халық тұтынатын тауарларды контрабандалық жолмен тасымалдағаны анықталды.

Қазақстандық күш құрылымдары ұстаған Қырғызстанның үш азаматы екі ай мерзімге қамауға алынды.

Оқи отырыңыз:

Ақтөбелік мұғалімдер оқушылармен бірге аулада от жағып орыстың Масленица мерекесін тойлаған

Бұрынғы “ҚТЖ” президенті Тоқмәдидің адамгершілікке жатпайтын әрекетінен түңіліп кеткенін айтты

Қазақ тілі оқулығына МС Сайлаубек туралы мәтін мен сұрақ енгізілді (видео)

Талқылау